Конкурс-выстава “ Мая радзіма – Беларусь!”
Невялiкая зарысоўка аб родным краi ад намеснiка старшынi аб'яднанай прафсаюзнай арганізацыі ААТ «АБ Беларусбанк» па Гродзенскай вобласцi Чаславы Мулярчык:
«Заўсёды цікавіліся гісторыяй свайго роду, свайго роднага кутка, сваёй Радзімы.
З вялікім задавальненнем хачу прадставіць невялічкія гістарычныя звесткі пра свой родны край — Гродзенскую вобласць. У яго багатая гісторыя, глыбокія культурныя традыцыі. Тут жыве добры і працавіты народ. Той, хто ўпершыню прыязджае да нас, адразу адчувае асабістую духоўную атмасферу. Мы вельмі закаханы ў сваю зямлю і імкнемся зрабіць яе прыгожай, багатай і дагледжанай. Чалавеку, які некалькі гадоў не быў на Гродзеншчыне, адразу кінецца ў вочы, што сёння шматлікія гарады і пасёлкі цалкам маюць еўрапейскі выгляд. Усё больш прыгожым, чыстым, зялёным, становіцца наш абласны цэнтр — старажытны Гродна. Гродзенцы высока ацанілі праведзеную працу па комплекснай рэканструкцыі будынкаў, унутраных дворыкаў і вуліц гістарычнай часткі горада, якая была ажыццёўленая пры крэдытнай падтрымцы ААТ „АСБ Беларусбанк”. Прыемна адзначыць, што наш банк таксама з'яўляецца найбуйным крэдыторам прамысловасці, сельскай гаспадаркі, уласнага бізнэсу, які займаецца вытворчасцю і аказаннем паслуг у Гродзенскай вобласці.
Сёння наша вобласць – адзін з перадавых прамысловых і сельскагаспадарчых рэгіёнаў Беларусі, з развітой сацыяльнай інфраструктурай.
А яшчэ, наша зямля абвеяная сівой і багатай гісторыяй. Яе помнікі прыроды, гісторыі і культуры, як дыяменты раскіданыя паўсюль і сёння з'яўляюцца ўнікальнай спадчынай, гонарам краіны і нашым гонарам, людзей якія жывуць на гэтай зямлі. Сёння кожны работнік нашага банка беражліва захоўвае гісторыю свайго роднага краю, паважае яго традыцыі і лічыць галоўнай задачай — абарона інтарэсаў сваіх кліентаў і грамадзян.
Мы паважаем сваё мінулае, самаадданай працай ствараем будучыню і з адкрытымі сэрцамі гасцінна запрашаем у вандроўку па Прынёманскаму краю.
І гэта вандроўка не простая, яна адлюстроўваецца ў малюнках нашых дзяцей. Конкурс-выстава “ Мая радзіма – Беларусь!” адбыўся у рамках акцыі “Мы за Беларусь”.
.JPG)
.JPG)
