Мы ўсе – ад сонца. Сіла ў гэтым…

           Год 2018  аб’яўлены Годам малой Радзімы.  І сёння кожны  работнік нашага банка беражліва захоўвае гісторыю свайго роднага краю, паважае яго традыцыі і лічыць галоўнай задачай — абарона інтарэсаў сваіх кліентаў і грамадзян, якія жывуць побач з намі і якім неабходна наша падтрымка і дапамога.

          Вось  і  ў гэтым годзе, на пярэдадні  вясновых святаў,  прадстаўнікі Беларусбанка адправіліся да сваіх добрых сяброў  у  Гродзенскі дом-інтэрнат для састарэлых і інвалідаў, з дабрачынным канцэртам  і   падарункамі.   Сёння ў доме-інтэрнаце знаходзяцца  68 пажылых людзей , з іх 7 ветэранаў Вялікай Айчыннай вайны, а яшчэ шмат маладых людзей, чые магчымасці абмежаваныя і  вядома,   кожнаму з іх патрэбна наша   ўвага. Яны , як і мы, людзі творчыя,  вельмі любяць жыццё, любяць спевы, удзельнічаць у канцэртах, але выступаць  на сцене без  радыё-мікрафонаў  не зручна. Вось і рашылі калектыўна, што для моладзі дома- інтэрната яны неабходны.

          Выступленне  нашых артыстаў пачалося  з цёплых слоў віншаванняў і добрых пажаданняў для гледачоў.  Як заўседы,  мы  былі  прыемна здзіўленыя. Да нашага прыезду артысты дома –інтэрната шчыра рыхтаваліся. Яны  спявалі для нас  і бардаўскія песні пад гітару, і эстрадныя, чыталі вершы.  Атрымаўся  вельмі кранальны,  сумесны канцэрт, які даставіў  вялізнае задавальненне ўсім  прысутнічым.  

           Моцнае ўражанне   таксама мы  атрымалі ад малых артыстаў, дзяцей, якія размаўляюць і «спяваюць» на незнаёмым нам мове — мове жэстаў. Гэта  выхаванцы  Гродзенскай школы-інтэрната для дзяцей з парушэннем слыху. Яны ўжо не першы раз прыязджаюць да нас, таму што сябруем мы даўно.  Пры кожнай нашай сустрэчы   імкнемся пацешыць адзін аднаго і прыемнымі словамі і падарункамі.  Гэты  інтэрнат з'яўляецца падшэфнай установай нашага філіяла.

          Якое  цудоўнае свята, які вясновы настрой  яны падарылі нам!

           Падумалася, як добра, што ў нашым банку працуюць  не толькі  вялікія прафісіяналы сваей справы, шчыра адданыя працы супрацоўнікі, а  яшчэ і   людзі, які  маюць вялікія  сэрцы, і  яны не могуць быць абыякавымі  да праблем і бяды іншых.  Рабіць  дабро,  нічога не просячы  ў замен — галоўнае крэда іх жыцця, таму што …..

                         Мы ўсе – ад сонца. Сіла ў гэтым…

                         І неба ў нас на ўсіх адно.

                         Зямля сама — часцінка свету.

                         Мы з вамі ўсе — яе святло!

                                                                                                  Часлава Мулярчык